[Flash Story] Bajaj

Hadddoohh panas gini, kena sial kudu  jemput caca cici kesekolah, mana cuman dikasih duit lima rebu, ga bisa jajan ini mah, cuma pas buat naek bajaj.

Nah entu die dua anak pecicilan, cepet juga keluarnye, belom sempet tebar pesona nih aye.

"Om, ayo pulang, clingukan aja, nyari siapa lagi om"

"kaga, ayo dah pulang, jalan kaki ye kita"

"ga mau, naek bajay, biasa ama emak juga naek bajaj" Caca protes

"iye dah iyee... naek bajaj, tapi om beliin es dong, haus nih, duit om pas pasan, cici masih punya duit jajan kaga?"

"Masih om, es goyang aja ya, 500 dapet tuh, sini cici beliin"

"Ya udah, om skalian nyari bajaj ya, ayo ca"

Wah si bajaj ada di pojok jalan lagi,  keprok keprok ah, mudah mudahan die denger.

Gawat, kage denger die, ape tepokan ane dah ga mantep ye, mangkenye cewe cewe pada ga mau ama ane, jalan aje deh, deket ini.

"Bang, asyik ndiri aje, di tepokin kaga denger nih"

"eh maaf mas, lagi asik denger dangdut di hape"

"cieee belagu ah, yok jalan ke sawah besar, goceng yee, ayo masuk ca, om dulu, om takut di pinggir"

"udah di kunci mas, awas jatoh"

"udah, jalan aje, tapi.. hmmm apa yang kurang ya, dah jalan aje bang, cepetan , ane aus"

"om... om ..."

"ape sih ca, om deg degan nih kalo naek bajaj, jangan ngajak ngomong dong"

"OMMMMMM!!!"

"ape cantikkkkkk"

"Cici nya mana ?"

*&^%$$##%^&&***((((()&^%$#@@@$%%

===============
Memory waktu kecil , kaka ketinggalan naek bajaj... hahahaha